Kryeministri Ramush Haradinaj e zëvendëskryeministri i parë i Kosovës janë takuar me komisionarin e BE-së për Zgjerim dhe Fqinjësi, Johannes Hahn.

Ata po marrin pjesë në Konferencën e Sigurisë në Mynih të Gjermanisë.

Biseda trepalëshe është fokusuar në perspektivën evropiane të Kosovës dhe nevojën që shtetet anëtare të BE-së të aprovojnë rekomandimin për liberalizimin e vizave, shkruan arbresh.info.

“Kjo është vendimtare për t’u treguar qytetarëve të Kosovës se perspektiva e Bashkimit Evropian është e prekshme dhe e reale”, thuhet në shkrimin e shefit të diplomacisë kosovare.

Konferenca e Sigurisë që zhvillohet në Mynih, është një nga më të rëndësishmet dhe më të mëdhatë në botë, në konferencat e kësaj natyre. Në të takohen rreth 40 kryetarë shtetesh dhe qeverish dhe 100 ministra, mes tyre kancelarja gjermane Angela Merkel, zëvendëspresidenti amerikan Mike Pence, ministri i Jashtëm rus Sergej Lavrov. /Arbresh.info/